घट्दै संक्रमितको संख्या : देशभर ५०२१ सक्रिय संक्रमित, २१९ जना आईसीयू र भेन्टिलेटरमा
हेल्थ टिभी अनलाइन \काठमाडौं : नेपालमा हाल देशभर सक्रिय संक्रमितको संख्या ५ हजार २१ मात्र रहेको छ ।
संक्रमितको संख्या घट्दै जाने र संक्रमणमा परेकाहरु निको हुँदै गएपछि आइसोलेसनमा सक्रिय संक्रमितको संख्या घटेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार २ लाख ६४ हजार १५९ जनामा कोरोना पुष्टि भएकोमा २ लाख ५७ हजार २२९ जना निको भएको र १९ सय ९ जनाको मृत्यु भएको छ । गत २४ घण्टामा देशभर ५ हजार २६९ पीसीआर परीक्षण गर्दा जम्मा ५५४ जनामा मात्र संक्रमण पुष्टि भएको छ ।
उता कोरोना संक्रमणमा परेर सिकिस्त भएर आईसीयूमा १८२ जना संक्रमितको उपचार भइरहेको छ । भेन्टिलेटरमा भने ३७ जना संक्रमित रहेका छन्। यसैगरी अहिले पनि १५ सय ६१ जना संक्रमित होम आइसोलेसनमा रहेको मन्त्रालयले जनाएको छ ।
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?