हेल्थ टिभी अनलाइन\ काठमाडौं : नेपालमा आज थप ६ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ६ जनाको मृत्यु भएको हो । योसहित नेपालमा कोरोना संक्रमणबाट मृत्यु हुनेको संख्या १८ सय ७० पुगेको छ ।

नेपालमा कोरोना संक्रमणबाट मृत्यु हुने दर शुन्य दशमलब ७१ प्रतिशत रहेको छ । यसैगरी संक्रमित भएका २ लाख ६१ हजार ४३८ जनामध्ये २ लाख ५३ हजार ८५७ जना संक्रमित निको भइसकेको मन्त्रालयले जनाएको छ ।

पछिल्लो २४ घण्टामा थप ४१९ जनामा कोरोना संक्रमण पुष्टि भएको छ भने ७५० जना संक्रमणमुक्त भएका छन्।