हेल्थ टिभी अनलाइन \काठमाडौं : नेपालमा थप ५३४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६ हजार जनाको पीसीआर परीक्षण गर्दा ५३४ जनामा कोरोना पुष्टि भएको हो ।

योसँगै नेपालमा कुल कोरोना संक्रमितको संख्या २ लाख ६० हजार ५९३ पुगेको छ । पछिल्लो २४ घण्टामा देशभर थप ९ जनाको मृत्यु भएको जनाइएको छ । योसहित नेपालमा कोरोना संक्रमण भएर मृत्यु हुनेको संख्या १८ सय ५६ पुगेको छ ।