नयाँ भाइरसको डर : यूकेबाट आएका सबै यात्रुलाई अनिवार्य होटल क्वारेन्टाइनमा बस्न मन्त्रालयको निर्देशन
पुष १ देखि ७ गते सम्म नेपाल भित्रिएका सबैले पीसीआर परीक्षण गर्नुपर्ने
हेल्थ टिभी अनलाइन\ काठमाडौं: यूकेमा नयाँ प्रकारको भाइरसको प्रकोप फैलिरहेका बेला यही समय नेपाल आएका यात्रुलाई अनिवार्य रुपमा होटल क्वारेन्टाइनमा बस्न सरकारले निर्देशन दिएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले पुष १ देखि ७ गतेसम्म यूकेबाट नेपाल आएका र यूके हुँदै नेपाल आएका सबै यात्रुलाई १० दिन क्वारेन्टाइनमा बस्न निर्देशन दिएका हुन्। उनले भने, यूकेमा यतिबेला नयाँ प्रकारको भाइरसको प्रकोप फैलिएको छ । त्यसैले सबैलाई अनिवार्य पीसीआर परीक्षण गर्न र १० दिन होटल क्वारेन्टाइनमा बस्न आग्रह गर्दछौं ।’
यसका लागि उनले सरकारी प्रयोगशालामा गएर नि शुल्क परीक्षण गर्न सकिने समेत जनाए । यूकेमा नयाँ प्रकारको कोरोना भाइरस देखा परेपछि यतिबेला सबैको टाउको दुखाई बनेको छ । नेपालमा पनि सम्भावना रहेको भन्दै आजैदेखि उच्च सतर्कता अपनाउनका लागि सरकारले यूकेबाट आउने र सोही स्थान हुँदै आउने सबै उडान बन्द गरेको छ ।
आज विश्व रेडक्रस दिवस मनाइँदै
गण्डकी प्रदेशको स्वास्थ्य मन्त्रीमा सीता सुन्दास नियुक्त
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र