४ पुस २०७७ , शनिबार

थप ७१० जनामा कोरोना संक्रमण, देशभर सक्रिय संक्रमितको संख्या ८ हजार ८४०

हेल्थ टिभी अनलाइन \काठमाडौं : नेपालमा थप ७१० जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ७१० जनामा कोरोना संक्रमण देखिएको हो । योसहित नेपालमा कुल कोरोना संक्रमितको संख्या २ लाख ५३ हजार १८४ पुगेको छ ।

यीमध्ये २ लाख ४२ हजार ५६७ जना संक्रमणमुक्त भइसकेको मन्त्रालयले जनाएको छ । उता पछिल्लो २४ घण्टामा देशभर थप १२ जना कोरोना संक्रमितको मृत्यु भएको छ । आज मृत्यु भएका संक्रमित समेत गरी देशभर कोरोनाबाट मृत्यु हुनेको संख्या १७ सय ७७ पुगेको छ ।

मन्त्रालयका अनुसार अहिले देशभर ८ हजार ८४० जना सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।