२७ मंसिर २०७७ , शनिबार

२४ घण्टामा थप १५ जना कोरोना संक्रमितको मृत्यु, मृतकको संख्या १६८९ पुग्यो

हेल्थ टिभी अनलाइन \काठमाडौं : नेपालमा पछिल्लो २४ घण्टामा थप १५ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार आज देशभरमा १५ जना कोरोना संक्रमितको मृत्यु भएको हो । योसहित नेपालमा कोरोना भाइरसको संक्रमणबाट मृत्यु हुनेको संख्या १६ सय ८९ पुगेको छ ।

उता आज देशभर जम्मा ८९९ जना नयाँ संक्रमित थपिएका छन्। आज थपिएकासहित देशभर कोरोना संक्रमितको संख्या २ लाख ४७ हजार ५९३ पुगेको छ ।

मन्त्रालयका अनुसार नेपालमा कोरोना संक्रमणबाट हुने मृत्युलर निकै न्यून शुन्य दशमलब ६७ प्रतिशत रहेको छ । उता कोरोना संक्रमण भएर निको हुने दर भने ९४ दशमलब ६ प्रतिशत रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।