२४ मंसिर २०७७ , बुधबार

पोखरामा आज ४ जना कोरोना संक्रमितको मृत्यु

हेल्थ टिभी अनलाइन \पोखरा : पोखरामा थप तीन जना कोरोना संक्रमितको मृत्यु भएको छ ।

गण्डकी प्रदेश स्वास्थ्य निर्देशनालयका अनुसार हिजो राती १ बजे एक जनाको मृत्यु भएपछि आज बिहान थप तीन जनाको मृत्यु भएको हो । योसँगै पोखरामा आज मात्रै ४ जना संक्रमितको मृत्यु भएको निर्देशनालयले जनाएको छ । निर्देशनालयका अनुसार आज बिहान मृत्यु हुनेहरुमा पोखरा महानगरपालिका १४ का ७४ वर्षीय पुरुष, पोखरा १५ का ६७ वर्षीय पुरुष र पोखरा वडा नं १६ की ५९ वर्षीया महिला रहेका छन्।

योसँगै गण्डकी प्रदेशमा कोरोना संक्रमणबाट मृत्यु हुनेको संख्या १७६ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।