२३ मंसिर २०७७ , मङ्लबार

थप १३८२ जनामा कोरोना संक्रमण, सक्रिय संक्रमितको संख्या १२ हजार ६८६

हेल्थ टिभी अनलाइन \ काठमाडौं : नेपालमा आज थप १३८२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १३८२ जनामा कोरोना पुष्टि भएको हो ।

योसँगै नेपालमा कुल कोरोना संक्रमितको संख्या २ लाख ४३ हजार ३७७ पुगेको छ। यी मध्ये २ लाख २९ हजार ५४ जना संक्रमित कोरोना जितेर निको भइसकेका छन्। हाल देशभर १२ हजार ६८६ जना मात्र सक्रिय संक्रमित रहेको मन्त्रालयले जनाएको छ । उता आजै मात्र थप १६ सय २१ जना कोरोना संक्रमित निको भएर घर फर्केका छन्।

पछिल्लो २४ घण्टामा थप २३ जना कोरोना संक्रमितको मृत्यु भएको छ । योसँगै नेपालमा हालसम्म कोरोना संक्रमणबाट मृत्यु हुनेको संख्या १६ सय ३७ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।