२२ मंसिर २०७७ , सोमवार

आज २० जना कोरोना संक्रमितको मृत्यु, मृतकको संख्या १६१४ पुग्यो

१०१४ जना नयाँ संक्रमित थपिए

हेल्थ टिभी अनलाइन\ काठमाडौं : नेपालमा कोरोना भाइरसको संक्रमणबाट मृत्यु हुनेको संख्या १६१४ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप २० जना कोरोना संक्रमितको मृत्यु भएसँगै नेपालमा कोरोना संक्रमणबाट मृत्यु हुनेको संख्या १६१४ पुगेको हो ।

यसैगरी आज देशभर १०१४ जना कोरोना संक्रमित थपिएका छन्। योसँगै देशभर कुल कोरोना संक्रमितको संख्या २ लाख ४१ हजार ९९५ रहेको छ । यसैगरी हालसम्म २ लाख २७ हजार ४३३ जना संक्रमित निको भएर घर फर्किसकेका छन्।

हाल देशभर सक्रिय संक्रमितको संख्या १२ हजार ९४८ रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।