हेल्थ टिभी अनलाइन \काठमाडौं : नेपालमा हाल सक्रिय कोरोना संक्रमितको संख्या १४ हजार २५५ रहेको छ । स्वास्थ्य तथा जनसंख्या मन्त्रालयका अनुसार शनिबारसम्म देशभर सक्रिय संक्रमितको संख्या १४ हजार २५५ रहेको हो ।

पछिल्लो समय कोरोना संक्रमितको संख्या घट्दै गएपछि आइसोलेसनमा सक्रिय संक्रमितको संख्या पनि घट्दै गएको हो । मन्त्रालयका अनुसार देशभर रहेका सक्रिय संक्रमितमध्ये ९ हजार २६३ जना होम आइसोलेसनमा रहेका छन्।

त्यसैगरी शनिबारसम्म आईसीयूमा उपचार भइरहेको संक्रमितको संख्या ३१२ रहेको छ भने उता भेन्टिलेटरमा ४५ जना सिकिस्त संक्रमितको उपचार भइरहेको छ ।

मन्त्रालयका अनुसार नेपालमा कोरोना संक्रमणबाट हुने मृत्युदर शुन्य दशमलब ६५ प्रतिशत रहेको छ भने निको हुने दर ९३ दशमलब ४ प्रतिशत रहेको छ । नेपालमा हालसम्म १७ लाख ७८ हजार २४ जनाको पीसीआर परीक्षण गरिएको बताइएको छ ।

उता हालसम्म १५ सय ७७ जना संक्रमितको मृत्यु भएको छ ।