हेल्थ टिभी अनलाइन \काठमाडौं : काठमाडौंको जिल्ला प्रशासन कार्यालयले काठमाडौंमा कोरोना महामारी बढिरहेकाले कुनै पनि सभा -जुलुस प्रदर्शन नगर्न आग्रह गरेको छ ।

आज विज्ञप्ति जारी गर्दै जिल्ला प्रशासन कार्यालयले कोरोना भाइरसको अति जोखिममा काठमाडौं जिल्ला रहेकाले यहाँ भिडभाड सभा जुलुस नगर्न आग्रह गरेको हो ।

यसो गरेको पाइएमा संक्रामक रोग २०२० र स्थानीय प्रशासन ऐन २०२८ बमोजिम कारवाही गरिने पनि विज्ञप्तिमा उल्लेख छ । भिडभाड गर्दा यसबाट संक्रमण अझ बढी फैलिने र कोरोना नियन्त्रणमा बाधा पुग्ने भन्दै प्रशासनले यस्तो निर्देशन दिएको जनाएको छ ।

पछिल्लो समय विभिन्न राजनैतिक दलर समूहले अभियानका रुपमा सभा सम्मेलन गर्दै आएपछि जिल्ला प्रशासनले यस्तो निर्देशन दिएको हो।