१५ मंसिर २०७७ , सोमवार

थप २९ जना कोरोना संक्रमितको मृत्यु, मृतकको संख्या १५ सय नाघ्यो

हेल्थ टिभी अनलाइन \काठमाडौं : नेपालमा कोरोना भाइरसको संक्रमणबाट हुने मृत्युदर दिन प्रतिदिन बढिरहेको छ । पछिल्लो २४ घण्टामा देशभर थप २९ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ ।

योसँगै नेपालमा कोरोना संक्रमणबाट मृत्यु हुनेको संख्या १५ सय ८ पुगेको छ । मन्त्रालयका अनुसार आइतबार पनि २५ जना कोरोना संक्रमितको मृत्यु भएको थियो ।

आज देशभर १४७४ जना नयाँ कोरोना संक्रमित थपिएका छन्। योसँगै नेपालमा हालसम्म संक्रमितको संख्या २ लाख ३३ हजार ४५२ पुगेको छ ।

उता देशभर १७ हजार ४२३ जना सक्रिय संक्रमित आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।