९ मंसिर २०७७ , मङ्लबार

नेपालमा कोरोना संक्रमणमुक्त हुनेको संख्या २ लाख नाघ्यो, १३३७ जनाले गुमाए ज्यान

हेल्थ टिभी अनलाइन \काठमाडौं : नेपालमा कोरोना भाइरसको संक्रमण भएर निको हुनेको संख्या २ लाख नाघेको छ ।

स्वास्थ्य तथा जनसंख्या मन्त्रालयका अनुसार सोमबारसम्म कुल कोरोना संक्रमितको संख्या २ लाख २२ हजार २८८ पुगेको छ । ती मध्ये २ लाख २ हजार ६७ जना संक्रमितले कोरोना जितेर संक्रमणमुक्त भइसकेका छन्। नेपालमा कोरोना संक्रमण भएर निको हुने दर ९० दशमलब ९ प्रतिशत रहेको जनाइएको छ । जबकी मृत्यु दर शुन्य दशमलब ६ प्रतिशत रहेको छ ।

यसैगरी कोरोना भाइरसको संक्रमणबाट १३ सय ३७ जनाको मृत्यु भएको मन्त्रालयले जनाएको छ। उता अहिले पनि देशभर १८ हजार ८८४ जना सक्रिय संक्रमित आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।