हेल्थ टिभी अनलाइन \काठमाडौं : नेपालमा शनिबार थप १६७४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप १६७४ जनामा कोरोना देखिएको हो ।

योसँगै नेपालमा कुल कोरोना संक्रमितको संख्या २ लाख १८ हजार ६३९ पुगेको छ । यी मध्ये १ लाख ९३ हजार ३२५ संक्रमित निको भएर घर फर्किसकेका छन्। यसैगरी देशभर सक्रिय संक्रमितको संख्या २४ हजार ९ रहेको मन्त्रालयले जनाएको छ । उता गत २४ घण्टामा २३ सय २३ संक्रमित संक्रमणमुक्त भएका छन्।

मन्त्रालयका अनुसार पछिल्लो २४ घण्टामा ७ जना कोरोना संक्रमितको मृत्यु भएसँगै देशभर कोरोना संक्रमणबाट मृत्यु हुनेको संख्या १३ सय ५ पुगेको छ ।