हेल्थ टिभी अनलाइन \पोखरा : पोखरा स्वास्थ्य विज्ञान प्रतिष्ठानमा उपचाररत थप एक जना कोरोना संक्रमितको आज मृत्यु भएको छ ।

स्याङ्जा पुतलीबजार १३ का ४६ वर्षीय पुरुषको कोरोना संक्रमणबाट मृत्यु भएको गण्डकी प्रदेश स्वास्थ्य निर्देशनालयले जनाएको छ । उनको उपचारका क्रममा आज बिहान मृत्यु भएको हो ।

कार्तिक २५ गते कोरोना संक्रमण पुष्टि भएका उनलाई त्यसपछि अस्पताल भर्ना गरिएको थियो । स्वास्थ्य अवस्था खराब हुँदै गएपछि भेन्टिलेटरमा राखेर उपचार भइरहेको भए पनि उनलाई कोरोना भाइरसको संक्रमणका कारण कडा निमोनिया देखिएको र त्यसबाट मृत्यु भएको जनाइएको छ ।

योसँगै गण्डकी प्रदेशमा कोरोना संक्रमणबाट मृत्यु हुनेको संख्या १२७ पुगेको छ ।