हेल्थ टिभी अनलाइन\ धरान : धरानस्थित बीपी कोइराला स्वास्थ्य विज्ञान प्रतिष्ठानमा धरान र इटहरीका २ जना कोरोना संक्रमितको मृत्यु भएको छ ।

यसरी कोरोनाबाट मृत्यु हुनेहरुमा इटहरी ६ की ९ वर्षीया बालीका र धरान १ की ६१ वर्षीया महिला रहेको प्रतिष्ठानका सहप्रवक्ता डा आशिष श्रेष्ठले बताएका छन् ।

श्रेष्ठका अनुसार धरान १ की ६१ वर्षीय महिलामा असोज ३० गते कोरोना सङ्क्रमण पुष्टि भएको थियो । उनलाई कार्तिक ५ गते प्रतिष्ठानको कोभिड आइसीयूमा भर्ना गरेर उपचार भइरहेकोमा आज बिहान ३ : १५ बजे मृत्यु भएको हो ।

यसैगरी कार्तिक १७ गते कोरोना सङ्क्रमण पुष्टि भएर १८ गते कोभिड आइसोलेसनमा भर्ना गरिएको इटहरीकी ९ वर्षीया बालिकाको पनि आज बिहान ३ : २५ बजे मृत्यु भएको श्रेष्ठले जनाएका छन्।