हेल्थ टिभी अनलाइन \काठमाडौं : नेपालमा पछिल्लो २४ घण्टामा थप २३ जनाको कोरोना संक्रमणबाट मृत्यु भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा देशभर थप २३ जनाको मृत्यु भएको हो । योसँगै नेपालमा कोरोना संक्रमणबाट ज्यान गुमाउनेको संख्या ९६० पुगेको छ ।

मन्त्रालयका अनुसार नेपालमा पछिल्लो समय कडा लक्षणसहितका संक्रमित फेला पर्न थालेपछि मृत्युदर पनि बढेको हो । देशभर हालसम्म ३७ हजार ७६५ जना सक्रिय संक्रमित रहेका छन्।

यसैगरी कोरोनाको आशंकामा २ हजार ३८६ जना क्वारेन्टाइनमा रहेका छन्।