हेल्थ टिभी अनलाइन \काठमाडौं : नेपालमा पछिल्लो २४ घण्टामा थप २५०८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज देशभर थप २५०८ जनामा कोरोना संक्रमण पुष्टि भएको हो । योसँगै नेपालमा कुल कोरोना संक्रमितको संख्या १ लाख ७० हजार ७४३ पुगेको छ ।

पछिल्लो २४ घण्टामा थप १७ जना कोरोना संक्रमितको मृत्यु भएको छ । आज मृत्यु भएकासहित नेपालमा हालसम्म ९२७ जना संक्रमितको मृत्यु भइसकेको मन्त्रालयले जनाएको छ ।

हाल देशभर सक्रिय संक्रमितको संख्या ३८ हजार ५८४ रहेको छ । यसैगरी कोरोनाको आशंकामा २५ सय १० जना देशभरका विभिन्न क्वारेन्टाइनमा रहेका छन्। उता आज २२ सय ६४ जना कोरोना जितेर डिस्चार्ज भएको मन्त्रालयले जनाएको छ ।