हेल्थ टिभी अनलाइन \काठमाडौं : नेपालमा थप ५७० जनामा कोरोना संक्रमण पुष्टि भएको छ ।

स्वास्थ्य तथ जनसंख्या मन्त्रालयका अनुसार आज  देशभर २७२५ जनाको पीसीआर परीक्षण गरिएकोमा ५७० जनामा कोरोना पुष्टि भएको हो । योसँगै नेपालमा कुल कोरोना संक्रमितको संख्या १ लाख ६० हजार ४ सय पुगेको छ ।

यसैगरी पछिल्लो २४ घण्टामा थप १४ जना कोरोना संक्रमितको मृत्यु भएको मन्त्रालयले जनाएको छ । आज मृत्यु भएकासँगै नेपालमा हालसम्म कोरोना संक्रमणबाट ज्यान गुमाउनेको संख्या ८७६ पुगेको छ । उता गत २४ घण्टामा कोरोना संक्रमण मुक्त हुनेको संख्या ३१ सय ६८ रहेको छ ।

हाल देशभर ४० हजार ६८१ जना सक्रिय संक्रमित रहेका छन्।