८ कार्तिक २०७७ , शनिबार

शनिबार थपिए २२२५ कोरोना संक्रमित, १३ जनाको मृत्यु

हेल्थ टिभी अनलाइन\काठमाडौं : नेपालमा थप २२ सय २५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप २२ सय २५ जनामा कोरोना संक्रमण पुष्टि भएको हो । योसँगै हालसम्म नेपालमा कुल कोरोना संक्रमितको संख्या १ लाख ५५ हजार २३३ जना पुगेको छ ।

यसैगरी गत २४ घण्टामा थप १३ जना कोरोना संक्रमितको मृत्यु भएको मन्त्रालयले जारी गरेको विज्ञप्तिमा उल्लेख छ । योसँगै नेपालमा हालसम्म कोरोना संक्रमणबाट ज्यान गुमाउनेको संख्या ८४२ पुगेको छ ।

हाल देशभर सक्रिय संक्रमितको संख्या ४६ हजार ५७ पुगेको छ भने १ लाख ८ हजार ३३४ जना संक्रमित कोरोना जितेर निको भएका छन्। शनिबारसम्म क्वारेन्टाइनमा रहनेको संख्या ३ हजार ३२२ रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।