हेल्थ टिभी अनलाइन \काठमाडौं : नेपालमा थप एक जना गर्भवती महिलाको कोरोना संक्रमणबाट मृत्यु भएको छ ।

तनहुँ जिल्ला शुक्लगण्डकी घर भई हाल हेटौंडा  बस्ने ३३ वर्षीया महिलाको आज बिहान कोरोना संक्रमणका कारण मृत्यु भएको भरतपुर अस्पतालले जनाएको छ ।
अस्पतालका अनुसार उनी ३७ हप्ताकी गर्भवती थिइन्। असोज ३० गते श्वासप्रश्वासमा समस्या भएपछि भरतपुर अस्पताल भर्ना भएकी उनमा कोरोनाको आशंकामा परीक्षण गर्दा सोही दिन रिपोर्ट पोजेटिभ आएको थियो ।

उनको स्वास्थ्य अवस्था जटिल बन्दै गएपछि कोभिड आइसीयूमा राखे उपचार भइरहेकोमा आज बिहीबार बिहान ६ :१५ बजे उनको उपचारकै क्रममा मृत्यु भएको अस्पतालले जनाएको छ ।

यसभन्दा अघि पनि  बारामा २४ वर्षीया गर्भवतीले कोरोना संक्रमणका कारण ज्यान गुमाएकी थिइन्।