कोरोना महामारीमा खटिएका स्वास्थ्यकर्मीले दशैंमा पनि पाएनन् जोखिम भत्ता
हेल्थ टिभी अनलाइन \काठमाडौं : कोरोना महामारीमा अग्रपङ्तीमा खटिएका स्वास्थ्यकर्मीले दशैंमा पनि जोखिम भत्ता पाएका छैनन्।
७ महिनादेखि दिनरात नभनी काम गरिरहेका उनीहरुले दशैंमा त भत्ता पाउने आश गरेका थिए । तर अहिलेसम्म कुनै सुरसार नै छैन्। आइतबार मुलुकको जेठो वीर अस्पतालका कार्यरत स्वास्थ्यकर्मी एवं कर्मचारीले भत्ता नदिएको भन्दै आन्दोलन समेत गरे । उनीहरुले अस्पतालका निर्देशक डा केदार सेन्चुरीको कार्यकक्षमा ताला समेत लगाएका थिए ।
अस्पतलका कर्मचारी भन्छन्, कोरोना महामारीमा ज्यान जोखिममा राखेर उपचारमा खटिएका स्वास्थ्यकर्मीलाई ७ महिनासमम न त जोखिम भत्ता छ ? न त ओभरटाइमको थप रकम ? कसरी काम गर्ने जाँगर आउँछ । उनले भने, ‘सरकारसँग नभएर नदिएको भनेर चित्त बुझाउने ठाउँ पनि छैन् यहाँ । सांसद मन्त्रीहरुलाई दशैं भत्ता दिने पैसा हुने अनि स्वास्थ्यकर्मी जो दिनरात नभनी आफू र आफनो परिवार नै जोखिममा राखेर उपचारमा खटिएका छन् उनीहरुलाई दिने चाहिं नहुने ?’
सरकारले चैतमै कोरोना उपचार तथा निदानमा अग्रपङ्तीमा खटिएका स्वास्थ्यकर्मीलाई जोखिम भत्ता दिने निर्णय गरेको थियो । तर ७ महिना बितिसक्दा पनि अधिंकांस अस्पतालका स्वास्थ्यकर्मीले भत्ता त के ओभरटाइमको पैसा पनि पाएका छैनन्।
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने
डा सन्दीपलाई प्रश्न : घुँडा किन दुख्छ, कसरी बच्ने ?