२५ भदौ २०७५ , सोमवार

दर खाँदा नौ जना बिरामी

सुर्खेत : तिजको दर खाँदा सुर्खेतमा नौ जना बिरामी परेका छन्।

वीरेन्द्रनगर नगरपालिका–२ दौलतपुर सुर्खेत निवासी डिलमाया सुनारको घरमा आइतबार बेलुका दर खान बोलाइएका नौ जना आफन्त बिरामी परेको जिल्ला प्रहरी कार्यालय सुर्खेतका प्रवक्ता श्यामसिंह चौधरीले जानकारी दिए।

बिरामी सबैको उपचार मध्यपश्चिम क्षेत्रीय अस्पताल सुर्खेतमा भइरहेकाे चाैधरीले बताए। टाउको दुख्ने, वान्ता हुने, रिङ्गटा चल्ने समस्या भएको र त्यो अवस्थामा सुधार नआएको एक बिरामीका आफन्तले जानकारी दिए।

क्षेत्रीय अस्पतालका डा नमोबुद्ध शाक्यले ‘फुड प्वाइजन’का कारण यो समस्या आएको जानकारी दिनुभयो। बिरामी सबैको उपचार भइरहेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।