स्वास्थ्य मन्त्रालयले भन्यो, गाउँमा कोही नयाँ मानिस आए ७ दिन अनिवार्य क्वारेन्टाइनमा राख्नुस्
हेल्थ टिभी अनलाइन\ काठमाडौं : स्वास्थ्य तथा जनसंख्या मन्त्रालयले आफनो गाउँ टोलमा कोही नयाँ व्यक्ति आएमा कम्तीमा सात दिन क्वारेन्टाइनमा राख्न आग्रह गरेको छ ।
मन्त्रालयका प्रवक्ता डा जागेश्वर गौतमले दशैंमा आफनो टोल छिमेकमा कोही नयाँ मानिस आएमा उसलाई सबै छिमेकी मिलेर अनिवार्य ७ दिन क्वारेन्टाइन बस्न लगाउन आग्रह गरेका हुन्।
कोरोना महामारी नियन्त्रण गर्नका लागि सरकारले सबैलाई जो जहाँ छ त्यहीँ बसेर दशैं मनाउन आग्रह गर्दै आएको छ । तर पनि केही व्यक्तिहरु एक ठाउँबाट अर्को ठाउँमा गइरहेको भन्दै यो अवस्थामा उनीहरुलाई क्वारेन्टाइनमा राख्न आग्रह गरिएको हो ।
पछिल्लो समय लक्षणसहितका कोरोना संक्रमितको संख्या बढ्न थालेपछि देशभरका आइसीयू भरिएका छन्। सरकारले नयाँ संक्रमितलाई उपचारमा समस्या हुन थालेको भन्दै सबैलाई जनस्वास्थ्यका मापदण्ड पालना गर्न र सकेसम्म बाहिर ननिस्कन आग्रह गर्दै आएको छ ।
हाल देशभर सक्रिय कोरोना संक्रमितको संख्या ३७ हजार ३८२ रहेको छ ।
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने