३० अशोज २०७७ , शुक्रबार

२४ घण्टामा २१ जना संक्रमितको मृत्यु, मृत्यु हुनेको संख्या ७१५ पुग्यो

हेल्थ टिभी अनलाइन \काठमाडौं : नेपालमा थप २१ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप २१ जना संक्रमितको मृत्यु भएको छ ।

योसँगै नेपालमा हालसम्म कोरोना संक्रमण भएर ज्यान गुमाउनेको संख्या ७१५ पुगेको छ । पछिल्लो २४ घण्टामा ६ हजार ३९२ जना संक्रमित थपिएसँगै नेपालमा कुल कोरोना संक्रमितको संख्या १ लाख २६ हजार १३७ पुगेको छ । यी मध्ये कोरोना संक्रमण मुक्त हुनेको संख्या ८८ हजार ४० रहेको छ भने हाल ३७ हजार ३८२ जना सक्रिय संक्रमित रहेका छन्।

मन्त्रालयका अनुसार हाल ४ हजार ८०८ जना क्वारेन्टाइनमा छन्। आजसम्म १२ लाख ५४ हजार १६७ जनाको पीसीआर परीक्षण गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।