नेपालमा कोरोना संक्रमितमध्ये ६९ प्रतिशत पुरुष
हेल्थ टिभी अनलाइन \काठमाडौं : नेपालमा हालसम्म कोरोना संक्रमितको संख्या १ लाख २१ हजार ७४५ पुगेको छ । ती मध्ये ६९ प्रतिशत भने पुरुष रहेका छन्। बाँकी ३१ प्रतिशत महिलामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार हालसम्म ८४ हजार ६०१ जना पुरुष र ३७ हजार १४४ जना महिलामा कोरोना भाइरस संक्रमण पुष्टि भएको छ । किन पुरुषमा बढी संक्रमण देखिएको भन्ने सवालमा सरुवा रोग विशेषज्ञ डा शेर बहादुर पुन भन्छन्, ‘पुरुषहरु बढी बाहिर निस्कने, चिया -चुरोट गफ हुने, साथै रोजगारीको सिलसिलामा बाहिर रहने, मद्यपान, धुम्रपान बढी गर्ने भएकाले पनि उनीहरु बढी जोखिममा परेकोे देखिन्छ ।’
त्यसो त अन्य देशहरुमा पनि संक्रमितको अनुपात हेर्दा महिला भन्दा बढी पुरुष नै रहेका छन्। नेपालमा संक्रमितमध्ये ८४ हजार ५१८ जना निको भइसकेका छन्। हाल देशभर सक्रिय संक्रमितको संख्या ३६ हजार ५३३ रहेको छ । नेपालमा कोरोना संक्रमण निको हुने दर ६९ दशमलब ४ प्रतिशत रहेको मन्त्रालयले जनाएको छ ।
हालसम्म नेपालमा ६९४ जना कोरोना संक्रमितको मृत्यु भइसकेको छ भने ४ हजार ८२५ जना क्वारेन्टाइनमा रहेका छन्।
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने