हेल्थ टिभी अनलाइन \काठमाडौं:  कर्मचारीमा कोरोना संक्रमण देखिएपछि पोखरा महानगरपालिकाको सेवा अनिश्चितकालका लागि बन्द गरिएको छ ।

पोखरा महानगरका मेयर मानबहादुर जिसीले सूचना निकालेर अत्यावश्यकबाहेक सम्पूर्ण सेवा बन्द रहने जानकारी दिएका हुन् ।

महानगरका एक जना कर्मचारीलाई कोरोना पोजेटिभ देखिएको हो । कोरोनासँग मिल्दोजुल्दो लक्षण देखिएपछि गत सोमबार ती कर्मचारीको स्वाब संकलन गरिएको थियो ।

कोरोनासँग मिल्दोजुल्दो लक्षण अन्य कर्मचारीमा पनि देखिएपछि केही कर्मचारी होम आइसोलेसनमा बसेका छन् ।