हेल्थ टिभी अनलाइन \काठमाडौं : नेपालमा पछिल्लो २४ घण्टामा थप ३५५६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज विभिन्न जिल्लामा गरी थप ३५५६ जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको संख्या १ लाख १५ हजार ३५८ पुगेको छ । यसैगरी पछिल्लो २४ घण्टामा १५०३ जना कोरोनाबाट निको भएर डिस्चार्ज भएका छन्। योसँगै हालसम्म कोरोना जित्नेको संख्या ७८ हजार ७८० पुगेको मन्त्रालयले जनाएको छ ।

आज कोरोना संक्रमणबाट १८ जना संक्रमितको मृत्यु भएसँगै कोरोनाबाट मृत्यु हुनेको संख्या ६६३ पुगेको छ । हाल देशभर ३५ हजार ९१५ जना सक्रिय संक्रमित रहेका छन्।