२४ अशोज २०७७ , शनिबार

पर्यटनमन्त्री योगेश भट्टराईलाई कोरोना संक्रमण

हेल्थ टिभी अनलाइन \काठमाडौं : संस्कृति, पर्यटन तथा नागरिक उड्ययनमन्त्री योगेश भट्टराईलाई कोरोना संक्रमण पुष्टि भएको छ । आजै शनिबार बिहान गरिएको पीसीआर परीक्षणमा भट्टराईमा कोरोना संक्रमण पुष्टि भएको हो ।

मन्त्री भट्टराईले आफ्नो कोरोना रिपोर्ट पोजेटिभ आएको कुरा सामाजिक सञ्जालमार्फत जानकारी दिएका हुन्। उनले आज आफूमा कोरोना संक्रमण देखिएको र यो विचमा आफ्नो सम्पर्कमा आएकाहरुलाई सतर्क हुन आग्रह गरेका छन्। उनको गत सोमबार गरिएको रिपोर्ट भने नेगेटिभ आएको थियो । रिपोर्ट नेगेटिभ आएपछि उपत्यकाबाहिर कार्यक्रममा गएका उनलाई काठमाडौं फर्केपछि ज्वरो आएपछि पुन आज परीक्षणका लागि स्वाब दिएका थिए ।

आज गरिएको परीक्षणमा भने पोजेटिभ आएको हो । उनले आफूलाई ज्वरो बाहेक समस्या नभएको जनाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।