हेल्थ टिभी अनलाइन \काठमाडौं : विश्व दृष्टि दिवसको अवसर पारेर तिलगंगा आँखा अस्पतालले ३ सय बढीको निशुल्क मोतिविन्दुको शल्यक्रिया गर्ने जनाएको छ ।

विश्व दृष्टि दिवसको अवसर पारेर तिलगंगा आँखा प्रतिष्ठानले धादिङ, नुवाकोट, रसुवा, ओखलढुंगा, सिन्धुपाल्चोक, रोल्पा, रामेछाप र दोलखा जिल्लाका ३ सय जना मोतिविन्दुका बिरामीको काठमाडौं स्थित तिलगंगा आँखा अस्पतालमा निःशुल्क शल्यक्रिया गर्ने काम भईरहेको छ ।

उपरोक्त जिल्लाको उपत्यका वा आसपासका क्षेत्रमा बसोबास गरेका बिरामीले पनि यो सेवा लिन पाउँनेछन् । जसका लागि माथि उल्लेखित गरेको जिल्लामा अवस्थित जिल्ला सामुदायिक आँखा केन्द्रको सिफारिस वा जिल्ला खुल्ने परिचयपत्र र पीसीआर परिक्षणको रिपोर्ट भने ल्याउनुपर्नेछ । यो सेवा मंसीर महिनसम्म लागु हुने अस्पतालले जनाएको छ ।

निः शुल्क शल्यक्रियाको लागि अन्तराष्ट्रिय सहयोगी संस्था द फ्रेड हलोज फाउण्डेसन र हिमालयन क्याटर्याक्ट प्रोजेक्टले सहयोग गरिरहेको पनि अस्पतालले जनाएको छ । आज विश्वभरी नै आँखा स्वास्थ्यसम्बन्धी सचेतना जगाउन दृष्टि दिवस मनाइँदैछ । यसपटको दिवसको नारा ‘दृष्टि प्रतिको आश’ रहेको छ ।

नेपालमा अन्धोपनको मुख्य कारण नै मोतिविन्दु रहेको छ । ६५ प्रतिशत अन्धोपन मोतिविन्दुबाट मात्र हुने गरेको तथ्यांक छ । त्यसपछि आँखाको पर्दा जन्य रोगका कारण १३ प्रतिशत, आँखाको नानीमा हुने अन्धोपना ६ प्रतिशत, जलविन्दुका कारण ५ प्रतिशत, दृष्टिदोष ४ प्रतिशत र अन्य कारण ७ प्रतिशत रहेका छन्।