हेल्थ टिभी अनलाइन \काठमाडौं : काठमाडौं उपत्यकामा पछिल्लो २४ घण्टामा थप ६४५ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार आज काठमाडौंमा ५०३ जना, भक्तपुरमा ५१ जना र ललितपुरमा ९१ जनामा कोरोना संक्रमण पुष्टि भएको हो । उपत्यकामा थप २ जना कोरोना संक्रमितको मृत्यु भएको छ । यसरी मृत्यु हुनेमा ललितपुरका ५१ वर्षीय पुरुष र काठमाडौंकी ७५ वर्षीया महिला रहेका छन्।

आज देशभर १३१३ जना संक्रमित थपिएका छन् भने ६ जना कोरोना संक्रमितको मृत्यु भएको मन्त्रालयले जनाएको छ ।