हेल्थ टिभी अनलाइन \काठमाडौं : नेपालमा थप १४९७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा देशभर थप १४९७ जनामा संक्रमण देखिएको हो ।  योसँगै नेपालमा कुल कोरोना संक्रमितको संख्या ६९ हजार ३०१ पुगेको छ । काठमाडौं उपत्यकामा मात्रै आज ७५५ नयाँ संक्रमित थपिएका छन्। उपत्यकामा काठमाडौंका ६०९ जना, भक्तपुरका ५१ जना र ललितपुरका ९५ जनामा कोरोना संक्रमण पुष्टि भएको हो ।

मन्त्रालयका अनुसार गत २४ घण्टामा ४५७ जना कोरोना जितेर डिस्चार्ज भएका छन् भने १७ जना संक्रमितको मृत्यु भएको छ । नेपालमा हालसम्म कोरोना संक्रमणमुक्त हुनेको संख्या ५० हजार ४११ पुगेको छ । उता कोरोना संक्रमणबाट ४५३ जनाले ज्यान गुमाएको मन्त्रालयले जनाएको छ ।

देशभर सक्रिय संक्रमितको संख्या १८ हजार ४३७ रहेको छ ।