हेल्थ टिभी अनलाइन \काठमाडौं :  डा गोविन्द केसीले ट्रमा सेन्टरमा कुनै सेवा लिन नमानेपछि उनलाई त्रिवि शिक्षण अस्पताल लगिएको छ ।

चिकित्सा शिक्षामा सुधारको माग राख्दै जुम्ला पुगेर अनसन बसेका डा केसीको स्वास्थ्य अवस्था कमजोर बन्दै गएपछि हिजो नेपालगञ्ज ल्याएर भेरी अस्पतालमा राखिएको थियो । उनलाई आज काठमाडौं ल्याएपछि सिधै राष्ट्रिय ट्रमा सेन्टर पुराइएको थियो । डा केसीले शिक्षण अस्पताल गएर अनसन जारी राख्ने जनाएका थिए । तर उनलाई उता लगिएपछि एकछिन प्रहरीसँग भनाभन भएको थियो ।

ट्रमामा उनको उपचारका लागि टोली नै बनाइएको भए पनि उनले आफूलाई जबरजस्ती ल्याइएको भन्दै उपचार लिन मानेका थिएनन र त्यसपछि ट्रमाबाट उनलाई डिस्चार्ज गरी शिक्षण अस्पताल पठाइएको हो । उनका समर्थकहरुले ट्रमा अस्पतालमा केहीबेर नाराबाजी समेत गरेका थिए ।