५ अशोज २०७७ , सोमवार

पछिल्लो २४ घण्टामा थप ११५४ जनामा कोरोना संक्रमण पुष्टि, १६ जनाको मृत्यु

हेल्थ टिभी अनलाइन \काठमाडौं : नेपालमा थप ११५४ कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत पछिल्लो २४ घण्टामा थप ११५४ जनामा कोरोना पुष्टि भएको जनाएको हो ।

योसँगै नेपालमा कोरोना संक्रमितको संख्या ६५ हजार २७६ पुगेको छ । गत २४ घण्टामा थप १००५ जना कोरोना जितेर डिस्चार्ज भएका छन्। योसँगै हालसम्म कोरोना संक्रमणमुक्त हुनेको संख्या ४७ हजार २३८ पुगेको मन्त्रालयले जनाएको छ ।

गत २४ घण्टामा देशका विभिन्न स्थानमा १६ जना संक्रमितको मृत्यु भएको छ । आज मृत्यु भएकाहरुसहित नेपालमा कोरोना संक्रमणबाट मृत्यु हुनेको संख्या ४२७ पुगेको मन्त्रालयाका प्रवक्ता डा जागेश्वर गौतमले जानकारी दिएका छन्।

यतिबेला देशभर १७ हजार ६११ जना सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।