हेल्थ टिभी अनलाइन \काठमाडौं : नेपालमा हाल १९० जना कोरोना संक्रमित देशका विभिन्न आइसीयूमा उपचाररत रहेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार हाल १९० जना कोरोना संक्रमित आइसीयू र ३६ जना संक्रमित सिकिस्त भएपछि भेन्टिलेटरमा रहेका छन्।

शुरुवात चरणमा नेपालमा कोरोना संक्रमितमा खासै लक्षण देखिएको थिएन। तर पछिल्लो चरणमा पुष्टि भएका अधिकांश संक्रमितमा लक्षण देखिने मात्र हैन सिकिस्त समेत हुँदै आएको मन्त्रालयले जनाएको छ ।

मन्त्रालयका अनुसार प्रदेश १ मा ९ जना संक्रमित आइसीयूमा उपचाररत छन् भने १ जना भेन्टिलेटरमा रहेका छन्। यसैगरी प्रदेश २ मा १६ जना आइसीयूमा रहेका छन्। बाग्मती प्रदेशमा भने सबैभन्दा धेरै १२६ जना संक्रमित आइसीयू र ३३ जना संक्रमित भेन्टिलेटरमा रहेका छन्। गण्डकी प्रदेशमा ५ जना आइसीयूमा रहेका छन्। उता प्रदेश ५ मा २३ जना आइसीयूमा र २ जना भेन्टिलेटरमा रहेका छन्। कर्णाली प्रदेशमा ११ जना आइसीयूमा रहेको जनाइएको छ । सुदूरपश्चिममा भने कोही पनि संक्रमित आइसीयू र भेन्टिलेटरमा नरहेको मन्त्रालयले जनाएको छ ।