हेल्थ टिभी अनलाइन \काठमाडौं :  नेपालमा थप ४ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार आज विभिन्न जिल्लामा गरी थप ४ जनाको कोरोना संक्रमणपछि मृत्यु भएको हो ।

योसँगै नेपालमा कोरोना संक्रमणबाट ज्यान गुमाउनेको संख्या ३८३ पुगेको छ । यसरी मृत्यु हुनेहरुमा मोरङकी ६४ वर्षीया महिला, काठमाडौंका ८७ वर्षीय पुरुष, कैलालीकी ५७ वर्षीया महिला र चितवनकी ३६ वर्षीया महिलाको रहेका छन्। ३ महिला र १ पुरुष गरी ४ जनाको मृत्यु भएको हो ।

नेपालमा संक्रमित हुनेहरुबाट मृत्युदर जम्मा शून्य दशमलब ६४ प्रतिशत रहेको मन्त्रालयले जनाएको छ ।