हेल्थ टिभी अनलाइन\ काठमाडौं : कोरोना संक्रमणपछि ओम अस्पतालको आइसोलेसन वार्डमा रहेका नेपाली काँग्रेस महामन्त्री डा शशांक कोइरालाले आफू कोरोना संक्रमणपछि ओम अस्पतालमा आएको र दुई तीन दिनमा डिस्चार्ज हुने भन्दै सबैलाई चिन्ता नगर्न आग्रह गरेका छन्।

डा कोइरालाको बारेमा अनेक सूचना सामाजिक संजालमा आउन थालेपछि अस्पतालले आफनो फेसबुक पेजमार्फत उनको भिडियो सार्वजनिक गरेको हो ।

उनलाई केही दिन अघि कोरोना संक्रमण पुष्टि भएको थियो । होम आइसोलेसनमा रहेका उनमा उच्च ज्वरो आएपछि मंगलबार साँझ ओम अस्पताल लगिएको थियो ।