बाँके : राप्तीसोनारी गाउँपालिका– ८ ओभरीमा सर्पदंश उपचार केन्द्र सञ्चालनमा ल्याइएको छ। गाउँपालिकाको २० लाख ५० हजार रुपैयाँ आर्थिक सहयोग र नेपाली सेनाको नौ लाख ६२ हजार बराबरको श्रमदानबाट उक्त केन्द्र निर्माण गरिएको हो।

बिरामीको उपचारमा सहजता ल्याउन स्थानीय बासिन्दाले केन्द्रमा २० लाख रुपैयाँको अक्षयकोष स्थापना गरेका छन्। बाँके राष्ट्रिय निकुञ्जको सुरक्षार्थ खटिएको श्री मेहर गणको सक्रियता तथा प्राविधिक सहयोगमा निर्माण गरिएको उक्त केन्द्र बहीबारगाउँपालिकाका अध्यक्ष लाहुराम थारूले उदघाटन गरे।

तीन शय्याको उक्त केन्द्रबाट राप्तीसोनारी गाउँपालिका र त्यस आसपासका क्षेत्रका ५१ हजारभन्दा बढी नागरिक लाभान्वित हुने जानकारी दिइएको छ।