हेल्थ टिभी अनलाइन\ चितवन : चितवनमा एकैदिन ८७ जनामा कोरोना संक्रमण पुष्टि भएको छ ।

शुक्रबार राती भरतपुर अस्पतालको कोभिड–१९ परीक्षण प्रयोगशालाले रिपोर्ट सार्वजनिक गर्दै थप ८७ जनामा कोरोना पोजेटिभ देखिएको जनाएको हो ।

अस्पतालका अनुसार ५३३ वटा नमुना परीक्षण गर्दा ८७ जनामा कोरोना पोजेटिभ देखिएको हो । संक्रमण पुष्टि हुनेहरुमा भरतपुर महानगरपालिकाका ७३ जना, रत्ननगरका २ जना, खैरहनीका ४ जना, कालिकाका ८ जना रहेका छन्।

यो विवरण शुक्रबार राती १२ बजे सम्मको हो । स्वास्थ्य तथा जनसंख्या मन्त्रालयका अनुसार शुक्रबार ४ बजेसम्म देशभर कोरोना संक्रमितको संख्या ५१ हजार ९१९ पुगेको छ ।