हेल्थ टिभी अनलाइन \काठमाडौैं : ललितपुरको पाटन अस्पतालमा उपचाररत २ जना कोरोना संक्रमितको मृत्यु भएको छ ।

स्वास्थ्य कार्यालय ललितपुरका अनुसार साउन ३० गतेदेखि पाटन अस्पतालमा उपचाररत काठमाडौंकी ५१ वर्षीया महिला र भदौ ८ गतेदेखि उपचाररत भक्तपुरका ६२ वर्षीय पुरुषको कोरोना संक्रमणबाट मृत्यु भएको हो ।

काठमाडौंकी संक्रमित महिलाको शुक्रबार राती १०:४० बजे मृत्यु भएको र भक्तपुरका पुरुषको शनिबार बिहान ६:४० बजे मृत्यु भएको जनाइएको छ । पछिल्लो समय नेपालमा कोरोना संक्रमणबाट हुने मृत्यु ह्वात्तै बढेको छ ।