२४ साउन २०७७ , शनिबार

काठमाडौं उपत्यकामा कोरोना : आज पनि थपिए ६२ जना संक्रमित

हेल्थ टिभी अनलाइन \काठमाडौं : काठमाडौं उपत्यकामा एक सातादेखि लगातार ठुलो संख्यामा कोरोना संक्रमित फेला परिरहेका छन्।

शनिबार पनि काठमाडौं उपत्यकामा थप ६२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज काठमाडौंमा ५६, ललितपुरमा ३ र भक्तपुरमा ३ गरी ६२ जनामा कोरोना पोजेटिभ रिपोर्ट आएको हो । हिजो मात्रै काठमाडौं उपत्यकामा १०६ जनामा कोरोना पुष्टि भएको थियो ।

मन्त्रालयका अनुसार आज थपिएका ३७८ जना संक्रमितसहित कुल संक्रमितको संख्या २२ हजार ५९२ रहेको छ । यसैगरी हालसम्म ७३ जनाले कोरोना संक्रमणबाट ज्यान गुमाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।