२१ साउन २०७७ , बुधबार

थप ३८१ जनामा कोरोना संक्रमण पुष्टि, मृत्यु हुनेको संख्या ६० पुग्यो

हेल्थ टिभी अनलाइन \काठमाडौं : नेपालमा थप ३८१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज विभिन्न जिल्लामा गरी थप ३८१ जनामा कोरोना संक्रमण पुष्ट भएको हो । योसँगै नेपालमा कोरोना संक्रमितको संख्या २१ हजार ३९० पुगेको छ ।

मन्त्रालयका अनुसार हालसम्म विभिन्न अस्पतालमा उपचार गराइरहेका सक्रिय संक्रमितको संख्या ६१७४ रहेको छ । गत २४ घण्टामा १३० जना कोरोना जितेर डिस्चार्ज भएका छन्। योसँगै हालसम्म कोरोना जितेर डिस्चार्ज हुनेको संख्या १५ हजार १५६ पुगेको छ ।

मन्त्रालयका अनुसार नेपालमा हालसम्म ६० जनाले ज्यान गुमाएका छन्। आज मात्रै दुई जनाको कोरोनाबाट मृत्यु भएको पुष्टि भएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।