११ साउन २०७७ , आइतवार

कोरोना संक्रमित विराट मेडिकल कलेजका सञ्चालक डा कार्कीलाई काठमाडौं ल्याइयो

हेल्थ टिभी अनलाइन \काठमाडौं : कोरोना संक्रमण पुष्टि भएका विराट मेडिकल कलेजका संचालक डा ज्ञानेन्द्रमान सिंह कार्कीको स्वास्थ्यमा समस्या देखिएपछि काठमाडौं ल्याइएको छ ।

कोरोना पुष्टि भए पनि शुरुमा होम आइसोलेसनमै बसेका डा कार्की शुक्रबार धरानस्थित वीपी कोइराला स्वास्थ्य विज्ञान प्रतिष्ठानमा भर्ना भएका थिए । उनको स्वास्थ्यमा समस्या देखिन थालेपछि काठमाडौं ल्याइएको हो ।

त्रिवि शिक्षण अस्पतालका कोभिड -१९ नियन्त्रण सम्बन्धी समितिका संयोजक डा सन्तकुमार दासले उनमा निमोनिया देखिएपछि अस्पतालमा भर्ना गरिएको बताए । उनले डा कार्कीको अवस्था अहिले सामान्य रहेको पनि जानकारी दिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।