२७ जेष्ठ २०७७ , मङ्लबार

भरतपुर अस्पतालमा कोरोना संक्रमितको मृत्यु

हेल्थ टिभी अनलाइन\ काठमाडौं: भरतपुर अस्पतालको आइसीयूमा उपचाररत एक जना कोरोना संक्रमितको मंगलबार बिहान मृत्यु भएको छ ।

भरतपुर वडा नं ११ का ६८ वर्षीय पुरुष संक्रमितको आज बिहान ७:०५ बजे मृत्यु भएको अस्पतालले जनाएको छ । अस्पतालले विज्ञप्ति जारी गर्दै संक्रमितको मृत्युको वारेमा जानकारी दिएको हो । उनलाई सोमबार कोरोना संक्रमण पुष्टि भएपछि नारायणी सामूदायिक अस्पतालबाट भरतपुर अस्पतालको कोभिड आइसीयूमा सारिएको थियो ।

मृतकमा मुटुरोग, मधुमेह एवं निमोनियाको समेत समस्या रहेको बताइएको छ । योसँगै नेपालमा कोरोना संक्रमणबाट मृत्यु हुनेको संख्या १५ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।