११ भदौ २०७५ , सोमवार

यस्ताे अवस्थामा छन् संसदमा स्वास्थ्यसम्बन्धी यी विधेयक

काठमाडौं : नेपालको संविधानको मौलिक हक कार्यान्वयनसँग सम्बन्धितसहित १८ महत्त्वपूर्ण विधेयक विभिन्न संसदीय समितिमा छलफलको क्रममा छन्।

तीमध्ये स्वास्थ्यसम्बन्धी कुनै विधेयकमाथि सामान्य छलफल भएको छ भने कुनैमा सम्बन्धित समितिमा दफावार छलफल भइरहेको छ।

जनस्वास्थ्य सेवा सम्बन्धमा व्यवस्था गर्न बनेको विधेयक २०७५ माथि सम्बन्धित समितिमा सामान्य छलफल भएको छ।

यस्तै सुरक्षित मातृत्व तथा प्रजनन स्वास्थ्यको अधिकार सम्बन्धमा व्यवस्था गर्न बनेको विधेयक सम्बन्धित समितिमा दफावार छलफल भइरहेको छ।

यता राष्ट्रिय चिकित्सा शिक्षा विधेयक २०७५ माथि पनि दफावार छलफल भइरहेको छ।

यस्तै जनस्वास्थ्यसँग प्रत्यक्ष जाेडिएकाे खाद्य तथा खाद्य सम्प्रभूताको अधिकारको सम्बन्धमा व्यवस्था गर्न बनेको विधेयक पनि सांसदहरुले अध्ययन गरिरहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।