काठमाडौं : धुम्बाराहीस्थित ह्याम्स अस्पतालले ‘ओस्टियोपोरोसिस’सम्बन्धी निःशुल्क शिविरको आयोजना गरेको छ।

उमेर बढ्दै जाँदा देखिने हड्डी खिइने समस्या ओस्टियाेपोरोसिसका बारेमा अस्पतालले तीनदिने शिविर सञ्चालन गरेको हो। शिविरमा बिरामीलाई हड्डी कसरी खिइन्छ र यसबाट कसरी बच्ने भन्नेबारे प्रस्तुति दिइएको थियो ।

हाडजोर्नी रोगका विशेषज्ञ चिकित्सक डा. भाष्करराज पन्त, डा.विज्ञान भण्डारी, डा.सन्दीप भण्डारी, डा.प्रशान्त अधिकारी र डा.रवीन्द्र बस्नेतलगायतले ओस्टियाेपोरोसिसका बिरामीमा आउनसक्ने अन्य समस्याबारे जानकारी गराएका थिए।

उनीहरूले याे राेगकाे प्रभावबाट बच्ने उपायबारे पनि जानकारी दिएका थिए। शिविरमा ४०० जनाले सेवा लिएका थिए।