हेल्थ टिभी अनलाइन\ काठमाडौं: स्वास्थ्य तथा जनसंख्या मन्त्रालयले सावधानी अपनाउँदै अस्पताललाई ओपिडी सेवा सञ्चालन गर्न आग्रह गरेको छ । स्वास्थ्य तथा जनसंख्या मन्त्रालयका प्रवक्ता डा विकास देवकोटाले आइतबार मन्त्रालयले नियमित गर्दै आएको पत्रकार सम्मेलनमा सबै अस्पताललाई ओपिडी सेवा सञ्चालन गर्नको लागि आग्रह गरेका हुन्। ।

कोरोना रोकथाम तथा नियन्त्रणका लागि सरकारले नै आकस्मिक बाहेकका सेवा बन्द गरेर कोरोना उपचारमा केन्द्रित हुन आग्रह गरेको थियो । तर डेढ महिनाभन्दा बढी समय भइसकेकाले र अन्य रोगका बिरामीले स्वास्थ्य सेवा नपाएको कुरा आएकाले अब भने सावधानी अपनाउँदै ओपीडी सेवा सञ्चालन गर्न आग्रह गरिएको हो ।

डा देवकोटाले सावधानी र सुरक्षा अपनाएर अस्तालहरुमा ओपीडी सेवा सूचारु गर्न आग्रह गरे । कोरोना महामारीका कारण देशमा लकडाउन भएदेखि नै सबै अस्पतालमा नियमित ओपीडी सेवा अवरुद्ध भएका छन्।