झिंगाले ल्याउँछ अनगिन्ती रोग, यसरी जोगिनुस्
जाडोको तुलनामा गर्मीयाममा झिंगाको संख्यामा वृद्धि हुन्छ। घर वरपरको वातावरण फोहोर छ भने त त्य झनै झिंगा बढ्छन्। झिंगाले विभिन्न रोगका कीटाणु सार्छ, जसले मानव स्वास्थ्यमा हानि पुर्याउँछ।
भाइरललगायत विभिन्न किसिमका ज्वरो, हेपाटाइटिस ‘ए’, झाडापखाला र पेटका रोगका कीटाणु झिंगाकै कारण सर्छ। यिनीहरूले खुट्टामा बोकेर ल्याउने ब्याक्टेरियाका कारण मानिसको स्वास्थ्यमा असर पर्छ।
झिंगाले फोहरबाट हाम्रो खानेकुरामा ब्याक्टेरिया ल्याउँछ । ती ब्याक्टेरिया शरीरमा प्रवेश गर्छन् । खानामा एकपटक मात्र झिंगा बसे पनि धेरै कीटाणु छाडेर जान सक्छ। कतिपय ब्याक्टेरिया झिंगाले बान्ता गरेर हाम्रो खानामा फाल्छ।
जति फोहोर भयो, त्यति धेरै झिंगा फैलिने खतरा हुन्छ । त्यसैले घर तथा वरपरको वातावरण सफा राख्नुपर्छ । फोहोर पानी जम्मा हुने खाल्डा भए पुरिदिने वा तिनलाई सधैँ सफा राख्नुपर्छ । भान्साबाट निस्कने फोहोरको सही व्यवस्थापन गर्नुपर्छ। गाईबस्तु राख्ने ठाँउ सकेसम्म घरबाट टाढा बनाउनु पर्छ।
दिउँसो झिंगा बढी सक्रिय हुने र एकै ठाउँमा बस्ने भएकाले यही वेला औषधि प्रयोग गर्न सकिन्छ। तर, यसबाट मानिसलाई पर्ने असरमा भने ध्यान दिनुपर्छ ।
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा