गर्भ खेर गइरहनु वंशाणुगत कारणले पनि हुनसक्छ
हेल्थ टिभी अनलाइन : ‘रिकरेन्ट प्रेग्नेन्सी लस’ अर्थात बारम्बार गर्भ खेर जानु भनेको दुई वा दुई भन्दा बढी बच्चा खेर जाने समस्या भनेर बुझिन्छ । महिलाको पेटमा बच्चा बसेदेखि ९ महिना पुगेपछि बच्चाको जन्म हुन्छ । तर यहीवीच विविध कारणहरुले गर्दा बच्चा जन्मन नपाई खेर जाने हुनसक्छ । यस्तो अवस्थालाई सामान्य बोलीचालीको भाषामा बच्चा खेर वा गर्भ खेर वा मिसक्यारेज भन्ने गरिन्छ ।
यसरी गर्भ खेर जानुका एउटा मात्र नभई अनेकौं कारण हुनसक्छन्। ती कारणहरुमध्येको एउटा कारण हो जेनेटिक डिजिज अर्थात वंशाणुगत \आनुवांशिक अवस्था वा रोग । आमा वा बुवामा कुनै किसिमको आनुवांशिक अवस्था पहिलेदेखि नै छ भने जन्मने सन्तानमा पनि यो सम्स्यासँगै आउन सक्छ तसर्थ आनुवांशिक रोगहरुका कारणले पनि बच्चा नबस्ने वा खेर जाने गरेको पाइन्छ । यदि दुईपटक भन्दा बढी बच्चा खेर गएमा यतिकै बस्ने भन्दा पनि यसको कारण खोज्नतर्फ श्रीमान श्रीमतीले बेलैमा पाइला चाल्नुपर्ने हुन्छ ।
गर्भ रहेर पनि दुई वा दुई भन्दा बढी बच्चा खेर गएको अवस्थामा खेर गएको मटेरियलको जाँच गर्नु अति आवश्यक छ । यो जाँचबाट त्यो बच्चा आनुवांशिक अर्थात वंशाणुगत रोगहरुको कारणले गर्दा खेर गएको हो वा होइन भनेर बुझ्न सकिन्छ । जसले गर्दा अगाडीको बच्चा कसरी प्लान गर्ने भन्नेबारे उपयुक्त तयारी र परामर्श लिन सकिन्छ । यदि कसैले खेर गएको मटेरियलको जाँच गराउनुभएको छैन् भने आमा वा बुवाको जाँच पनि गर्न सकिन्छ । अहिले बच्चा प्लान गर्नुअघि नै विशेषज्ञ डाक्टरको सल्लाह लिने चलन बढ्दै गएको छ । जसलाई हामी ‘प्रि कन्सेप्सनल काउन्सिलिङ’ भन्छौं । यो अत्यन्त आवश्यक कुरा हो । यसले श्रीमान श्रीमतीमा कस्ता किसिमका रोगहरु छन्। त्यसको ती रोगका कारण बच्चामा पर्न सक्ने असरकाबारेमा छलफल गरी परामर्श लिन सकिन्छ । यसैगरी पारिवारिक रुपमा पनि हजुरबुवा, हजुरआमा, फुपु, मामा, काका आफना नजिकको नाता पर्नेमा यदि कुनै वंशाणुगत रोग छ छैन् एकिन गरेर सोही अनुसर कदम चाल्न सकिन्छ । यति त्यस्तो समस्या परिवारमा भएमा बच्चामा आउनसक्ने सम्भावनालाई ध्यानमा राख्दै आवश्यक जाँच गरी ढुक्क बन्न सकिन्छ ।
यसैगरी बच्चा कन्सिभ गर्न ध्यान दिनुपर्ने कुराहरुको सल्लाह डाक्टरबाट लिन सकिन्छ । त्यसैले बच्चा प्लान गरेका हरेक दम्पत्तीले यो अनिवार्य रुपमा गर्नुपर्ने काम हो । सल्लाह लिन एकदम खर्चिलो हुने होइन त्यही भएर बच्चा प्लान गर्नुअघि सबै जना यस्तो परामर्श लिएमा भविष्यमा आउनसक्ने समस्याबाट जोगिन सकिन्छ । यही कुरा थाहा नहुँदा धेरैले दुख पाएकाे देखिन्छ ।
नेपालमा सो जाँचको लागि खेर गएको मटेरियलको जाँच गर्दा १५ देखि २० हजार र आमा बुवाको जाँच गर्दा जम्मा १० हजार रुपैयाँ पर्न आउँछ । यो अन्य देशहरुको तुलनामा निकै सस्तो हो । यो जाँच नेपालमा नै गर्न सकिन्छ र भइरहेको पनि छ । आमा र बुवाको अथवा कपलको गरिने जाँच ‘क्यारोटाइप’ हो भने खेर गएको मटेरियलको जाँच ‘नेक्स्ट जेनेरेसन सिक्वेन्सिङ’ बाट गरिन्छ ।
खेर गएको मटेरियलको जाँच गरेर यदि आनुवांशिक कारणले हो भने त्यसलाई आउने बच्चामा हुन नदिन प्रक्रियाहरु गर्न सकिन्छ । यदि जाँचमा कुनै किसिमको अन्य खराबी देखिएन भने आनुवांशिक रोगले बच्चा खेर गएको रहेछ भन्ने बुझिन्छ । त्यसै अनुरुपमा अगाडीको बच्चाको प्लान गर्न सकिन्छ । बच्चा कन्सिभ गर्नुअघि आमा बुवाले जाँच गराैं साथै आउने बच्चामा आनुवांशिक रोग हुन्छ की हुँदैन भनेर परामर्श लिएर ढुक्क बनौं ।
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा
नर्सहरुको हौसला बढाउन नेपाल क्यान्सर अस्पतालद्धारा विशेष कार्यक्रमको आयोजना