Health TV Online
Health TV Online
Health TV Online
Health TV Online
Health TV Online

होली खेल्दा सुरक्षित रङको प्रयोग गरौँ

होली खेल्दा सुरक्षित रङको प्रयोग गरौँ

डा धर्मेन्द्र कर्ण
छालारोग तथा सौन्दर्य विशेषज्ञ

होलीलाई रङहरुको पर्वको रुपमा लिइन्छ । यो मित्रता र सदभावको चाड पनि हो । प्रत्येक वर्ष फागुन शुक्ल पूर्णिमाका दिन नेपाल, भारत लगायतका केही देशहरुमा होली पर्व मनाउने गरिन्छ । होली एक आपसमा रङ लगाएर खुशी साटासाट गर्ने पर्व पनि हो । तर यही होलीमा रङको उचित प्रयोग गर्न जानिएन भने यसले स्वास्थ्यमा गम्भीर असर समेत पार्न सक्छ । त्यसैले होली खेल्दा सबै जनाले विशेष सापधानी अपनाउनुपर्ने हुन्छ ।

पहिलो कुरा त होली रङको चाड भएकाले शुरुमा यसको सही छनौट नै सही तरिकाले गर्न जरुरी छ । यसो गरिएन भने यसले छाला मात्र हैन आँखा लगायतका महत्वपूर्ण अंगमा असर गर्न सक्छ । त्यसैले सकेसम्म होलीमा प्राकृतिक रङको प्रयोग गर्दा सुरक्षित हुन्छ ।

पहिले पहिले होली खेल्दा गुलाब, बेसार लगायतका बोटबिरुवाबाट बनेको प्राकृतिक रङ प्रयोग गर्ने गरिन्थ्यो जसले छालालाई सुन्दर बनाउन सहयोग गर्थे । तर आजभोलि त्यस्ता प्राकृतिक रङ पाइनै छोडेको भन्दा पनि हुन्छ । अहिले बजारमा धेरै थरीका रङहरु पाइन्छन् जसमा विभिन्न खालका रसायनहरु मिसाइएका हुन्छन्। जुन असाध्यै चम्किला हुन्छन्। रङ जति चम्किलो हुन्छ त्यति नै बढी हानिकारक हुनेगर्छ । त्यसैले हामीले सकेसम्म कम चम्किलो रङको छनौट र प्रयोग गर्नुपर्छ । अर्को कुरा अहिले बजारमा खुला रुपमा रङ बेच्न राखिएको पाइन्छ । हामीले यस्ता खुला रङ किन्ने भन्दा पनि सकेसम्म प्याक गरिएका र मिति लेखिएको रङ किन्नुपर्छ ।

यसैगरी होलीलाई सुखद बनाउनका लागि यसको तयारी एक दिन अघि देखि नै गर्नु राम्रो हुन्छ । होली खेल्नुअघि कपालदेखि लिएर खुट्टासम्म नरिवल वा अन्य कुनै सफ्ट खालको तेल लगाउन सकिन्छ । तेल लगाउँदा यसले रङको असर कम गर्न मद्दत गर्छ भने छालामा टाँसिन पनि पाउँदैन । यसैगरी छालालाई कम क्षति होस भन्नका लागि मोस्चराइजर क्रिम तथा सनस्क्रिन समेत लगाउन सकिन्छ । यति मात्र गर्न सकियो भने पनि छालामा हुने असरलाई धेरै हदसम्म जोगाउन सकिन्छ ।

पहिले पहिले होली खेल्दा गुलाब, बेसार लगायतका बोटबिरुवाबाट बनेको प्राकृतिक रङ प्रयोग गर्ने गरिन्थ्यो जसले छालालाई सुन्दर बनाउन सहयोग गर्थे । तर आजभोलि त्यस्ता प्राकृतिक रङ पाइनै छोडेको भन्दा पनि हुन्छ । अहिले बजारमा धेरै थरीका रङहरु पाइन्छन् जसमा विभिन्न खालका रसायनहरु मिसाइएका हुन्छन्। जुन असाध्यै चम्किला हुन्छन्। रङ जति चम्किलो हुन्छ त्यति नै बढी हानिकारक हुनेगर्छ । त्यसैले हामीले सकेसम्म कम चम्किलो रङको छनौट र प्रयोग गर्नुपर्छ । अर्को कुरा अहिले बजारमा खुला रुपमा रङ बेच्न राखिएको पाइन्छ । हामीले यस्ता खुला रङ किन्ने भन्दा पनि सकेसम्म प्याक गरिएका र मिति लेखिएको रङ किन्नुपर्छ ।

यसैगरी होली खेल्दा फूल बाहुला भएको कपडा लगाउनु राम्रो हुन्छ । यसले शरीरमा सिधै रङ लाग्न पाउँदैन्। अर्को याद गर्नुपर्ने कुरा होली दिनभरी वा धेरै लामोसम्म खेलेर रङ अनुहार वा शरीरमा राखिरहनु हानिकारक हुन्छ । रमाइलोका लागि २\ ३ घण्टा होली खेलिसकेपछि तुरुन्त सफा पानीले पखाली हाल्नुपर्छ । नरम खालको साबुन प्रयोग त्यसमा पनि बेबी सोप वा सेम्पोको प्रयोग गर्नु राम्रो । रङ लगाएको ठाउँमा धेरै रगड्न हुँदैन । बिस्तारै पुछ्न पर्छ । धेरै माड्दा यसमा एलर्जी वा घाउ हुनसक्छ ।

यसपटक कोरोना महामारीको डर छ । त्यसैले यसपटकको होली आफनो घर परिवारमा मात्र मनाउन आवश्यक छ । साथै पहिले जस्तै रङसहित लोला , पानीको प्रयोग गर्दा संक्रमण फैलिनसक्ने डर छ । त्यसैले कोरोना कालको होलीमा सुख्खा रङको प्रयोग गर्दा उचित हुन्छ । साथै कोरोनाबाट आफू बच्न र आफन्तलाई बचाउन मास्कको अनिवार्य प्रयोग गर्न र दूरी कायम गर्न पनि जरुरी छ । स्वास्थ्य मन्त्रालयले जारी गरेको जनस्वास्थ्यका मापदण्ड पालना गर्दै सुरक्षित भएर होली मनाऔँ । सबैलाई होलीको मंगलमय शुभकामना ।

 

 

 

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार

यस्ता छन् एवोकाडो खानुका १० फाइदा

यस्ता छन् एवोकाडो खानुका १० फाइदा